म्हारा गांव

रोशन लाल पराशर, शिक्षा वाहिनी समाचार पत्र।

बहौत प्यारा था गावं,
सै न्यारा  था गांव ।
ऊंचे हरे भरे  रुख,
ठंडी पीपल री छांव ।
इक लैणा च घर ,
इको आंगन था म्हारा,
चोर चक्के रा ना डर,
था इक दूजे रा सहारा ।
दुख विपदा च सब,
बणी जांदे थे साथी ।
रज्जी के  भाई चारा ,
ना कोई विरोधा रा नावं ।
हुण जमाना एहडा आया,
शहर गांवा च बणाया,
कटोए डाल रूख सारे,
किती टोलूं ठंडी छांव ।
बिलासपुर, हिमाचल प्रदेश।

Related posts

Leave a Comment